Eurodeputeti Lukas Mandl ka pritur në ambientet e Parlamentit Evropian në Strasburg përfaqësuesit e OVL-së së UÇK-së, kryetarin Hysni Gucati dhe nënkryetarin Gazmend Syla, të cilët shprehën shqetësimet e tyre lidhur me zhvillimet në Gjykatën Speciale.

Sipas një njoftimi nga organizatat e dala nga lufta, përfaqësuesit e OVL-së theksuan rëndësinë e mbrojtjes së dinjitetit të luftës çlirimtare dhe të vlerave mbi të cilat është ndërtuar liria e Kosovës.

“Eurodeputeti Mandl i dëgjoi me vëmendje dhe mirëkuptim qëndrimet tona, për çka e falënderojmë sinqerisht. E lutem qe ta përcjellë këtë mesazh tek kolegët e tij në Parlamentin Evropian dhe në institucionet përkatëse të shtetit të tij, duke i dhënë kështu zë dhe mbështetje kauzës sonë të drejtë”, thuhet në njoftim.